يوسف عليه السلام (الجزء الثاني)

هو سيدنا يوسف كان جميل فعلاً ؟

= لأ..

دة كان آية في الجمال 

طيب كان شبه مين 

= جدته ،، السيدة سارة زوجة سيدنا إبراهيم ..

السيدة سارة كانت اجمل بنات حواء  وكان سيدنا يوسف جميل زيها بالظبط 

كان اجمل شاب في زمانه .

والبنات كانت بتعجب بيه 

= كل الناس كانت بتعجب بيه وبجمال شكله وأخلاقه 

امال ايه اللي حصله في بيت عزيز مصر 

زوجة العزيز الي أكرمه ورباه وعاش في بيته كل السنين دي ،، عجبها سيدنا يوسف 

عجبها جماله وكمال انسانيته خلتها تحاول تفتنه وتبقى عايزاه في الحرام ?

حاولت كتيييير اوي تلمحله أنها معجبه بيه ..????

بس سيدنا يوسف كان بيهرب منها ويتجاهل تلميحاتها الجريئة..

لحد ما زهقت من التلميحات ،، وبدأ الشيطان يلعب في دماغها !!

وقالت بدل ما هتلمحله هتصرحله " يعني هتتكلم بكل صراحة "

 فالصراحة دي وصلت معاها لقمة البجاحة وصارحته بحبها وحاولت تغريه بالقرب منها ..

قال يعني المرادي مايهربش ????

وفي يوم من الايام قفلت الباب عليهم هما الاتنين وقالتله مش هتهرب مني المرادي !!!

 (وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الْأَبْوَابَ وَقَالَتْ هَيْتَ لَكَ)

سيدنا يوسف قالها :

أستعيذ بالله مينفعش أخون الراجل الي رباني ونجّاني من العبودية وأحسن تربيتي وحطني في احسن مكانة..

قَالَ مَعَاذَ اللَّهِ ۖ إِنَّهُ رَبِّي أَحْسَنَ مَثْوَايَ ۖ إِنَّهُ لَا يُفْلِحُ الظَّالِمُونَ)

مسمعتش كلامه وزادت برضو في الإغراء وقربت منه وحاولت تنفذ الي هي عايزاه????

 (وَلَقَدْ هَمَّتْ بِهِ وَهَمَّ بِهَا لَوْلا أَن رَّأَى بُرْهَانَ رَبِّهِ) 

العلماء اختلفوا على إنها همّت بالمعصية, وإختلفوا على هو هـمّ بإيه ؟

فيه قال إنه همّ بيها يعني حاول يضربها

وفيه قال إنه همّ بالمعصية بس ماعملهاش , همّ بالمعصية "يعني مجرد نية" لأنه راجل مكتمل الرجولة وزيه زي أي راجل بتتحرك مشاعره لإغراء عظيم زي ده , لكنه ماعملهاش لأنه حط ربنا قدام عينه وإفتكر إنه بكده هيكون عمل ذنب كبير يتسببله في غضب ربنا عليه

وفيه قال إنه لولا انه عرف وأيقن ساعتها إن ده ابتلاء من ربنا كان ممكن يهمّ بيها بالمعصية .. 

وطبعا دة المقصود بـ( أن رأى برهان ربه) يعني عرف انه في ابتلاء ..

وطبعا اكتر اتفاق للعلماء و الأكثر منطقية ,,

ان ربنا بيقول لإبليس (إِنَّ عِبَادِي لَيْسَ لَكَ عَلَيْهِمْ سُلْطَانٌ) . 

وإبليس نفسه معترف (إلا عبادك منهم المخلَصين) 

وسيدنا يوسف كان من المخلَصين! .

. (كَذَلِكَ لِنَصْرِفَ عَنْهُ السُّوءَ وَالْفَحْشَاء إِنَّهُ مِنْ عِبَادِنَا الْمُخْلَصِينَ) 

يعني الشيطان أصلا مايقدرش يغوي يوسف ويقنعه بالمعصية ..

 بس مش معنى كدا ان سيدنا يوسف معندوش مشاعر رجولة ممكن تميل لإغراء زي دا

بالعكس ..دا إتعرّض لإغراء طويل بتلميحات وتصريحات من واحدة منصبها عالي وجمال وقاوم كل في سنين كتير ،،

 ده وكان كل شوية يغلب نفسه الأمارة بالسوء ويوثّق اليقين جوا قلبه ويصبّر نفسه بإن ده إبتلاء من ربنا ولازم يصبر ويبعد عن أي حاجة تغضب الله .

وكان سيدنا يوسف مخلص ومخانش ربنا أبدا وفضل على نهج أبائه وجدوده سيدنا يعقوب وإسحاق وإسماعيل وإبراهيم ..

سيدنا يوسف حَب يخلص من الموقف قبل ما يتطور أكتر ،،

فجري ناحية الباب و بيحاول يهرب منها ومن اغرائتها

لكنها ماسكتتش !

 مسكت قميصه وحاولت تشده ناحيتها تاني فإتقطع القميص في ايديها من كتر هول الموقف والشد من الطرفين????

وَاسْتَبَقَا الْبَابَ وَقَدَّتْ قَمِيصَهُ مِن دُبُرٍ وَأَلْفَيَا سَيِّدَهَا لَدَى الْبَابِ)

في اللحظة دي دخل العزيز! ????

 كيد النساء خلاها تبعد عن نفسها التهمة فوراً وتلزقها في سيدنا يوسف????

قالت لجوزها تعمل إيه في اللي يحاول ينتهك حرمة بيتك ويتعدى على زوجتك! 

فإقترحت فوراً العقاب السريع الي يبعده عن القتل عشان خافت علي سيدنا يوسف 

المهم بس يربيه ويخليه ماينطقش بكلمة من الي حصل..

قالت لازم تسجنه أو تعذبه عشان يبقى عبرة لغيره ????

قَالَتْ مَا جَزَاءُ مَنْ أَرَادَ بِأَهْلِكَ سُوءًا إِلَّا أَن يُسْجَنَ أَوْ عَذَابٌ أَلِيمٌ) 

سيدنا يوسف ما سكتش , ودافع عن نفسه وحاول يقول الي حصل , قال هي الي راودتني عن نفسي وحاولت تغويني

قَالَ هِيَ رَاوَدَتْنِي عَن نَّفْسِي)

 فوقف عزيز مصر مش عارف يصدق مين ولا يكذب مين !!

 يصدق زوجته الجميلة الحسناء ولا يصدق يوسف لي مشافش منه غير كل خير ????

فشهدوا واحد من أهل البيت 

[ فيه علماء قالوا انه راجل عجوز

وعلماء تانيين قالوا طفل رضيع] 

قالهم إحنا نشوف قميصه إتقطع من فين , لو كان إتقطع من قدام يبقى هي الي كانت بتحاول تبعده عنها ،، معنى كدا ان كلامها هي الي صح وهو الي إعتدى عليها!

إنما لو كان إتقطع من ورا يبقى هي الي كانت بتشده من ظهره وإتقطع ومعنى كدا انه كان بيحاول يبعد ناحية الباب وفي الحالة دي يبقى كلامه هو الي صح

وَشَهِدَ شَاهِدٌ مِّنْ أَهْلِهَا إِن كَانَ قَمِيصُهُ قُدَّ مِن قُبُلٍ فَصَدَقَتْ وَهُوَ مِنَ الْكَاذِبِينَ) (وَإِن كَانَ قَمِيصُهُ قُدَّ مِن دُبُرٍ فَكَذَبَتْ وَهُوَ مِنَ الصَّادِقِينَ )

فقعد العزيز يبص علي قميص يوسف لقاه مقطوع من الضهر???? 

فتأكد أنها كدابة ويوسف هو اللي صااادق،،

 وظهر الحق وربنا أثبت برائته عن طريق حد من أهلها هي!

وإتأكد الزوج من خيانة زوجته , لكنه ما اتعصبش ولا اتنرفز ولا ضرب , ماعملش أي حاجة ????

 أصل عادات وقيَم الطبقة الراقية الي هو كان من ضمنها ( بما إنه كان وزير) أجبرته على الإلتزام بالسكوت عشان الموضوع يعدّي وماتبقاش فضيحة !!

 فأخد الموضوع بلباقة لدرجة انه اتهم كيد النساء -عموماً- إن هو السبب في كل دا , وإكتفى بإنه قالها استغفري لذنبك!!

(فَلَمَّا رَأَى قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ إِنَّ كَيْدَكُنَّ عَظِيمٌ) وَاسْتَغْفِرِي لِذَنبِكِ ۖ إِنَّكِ كُنتِ مِنَ الْخَاطِئِينَ)

وبص ليوسف وقاله سيبك من الموضوع دا كأنه ماحصلش!!

 (يُوسُفُ أَعْرِضْ عَنْ هَذَا) 

عادي كدة !!!!!!!!

 اه ماهو دي اهتماماتهم في الطبقة دي , المحافظة على الظواهر ويهملوا الحاجات البسيطة دي ماتاخدش في بالك !

قفّل العزيز على الموضوع وطلب منهم انهم ينسوه من غير حتى ما يفصل بين زوجته وبين يوسف وإتهيأله إن كدا الموضوع هيموت ويتنسي ولا من شاف ولا من دِري ????

لكن كان الوضع أصعب من كدا بكتير , ماهو قصر مليان خدم وخادمات ومستشارين!

إبتدا الخبر ينتشر , وفضل يتنقل بين الخدم لحد ماوصل للقصور اللي جنبهم ،فكان فضيحة مُسلية لستات الطبقة الراقية ،,

 ابتدوا يتكلموا عن زوجة العزيز ويقولوا شوفتي الي حصل! دي مفتونة بيه لدرجة انها عرضت نفسها عليه ! ????

 (وَقَالَ نِسْوَةٌ فِي الْمَدِينَةِ امْرَأَتُ الْعَزِيزِ تُرَاوِدُ فَتَاهَا عَن نَّفْسِهِ ۖ قَدْ شَغَفَهَا حُبًّا ۖ إِنَّا لَنَرَاهَا فِي ضَلَالٍ مُّبِينٍ) .

الكلام كِتر وانتشر لحد ما وصل لزوجة العزيز إن الستات في المدينة بيتكلموا عنها كدا ماسكتتش !!

 ابتدا كيد النساء يشتغل تاني وقالت هخليهم يندموا على الي قالوه وأثبتلهم اني معذورة في حب يوسف????

أمرت بتجهيز عزومة كبيــرة وفخمة ،،

 جهزت المكان ووضبت القعدة وحطت جنب كل مقعد سكينة حادة وتفاحة!!!

 (فَلَمَّا سَمِعَتْ بِمَكْرِهِنَّ أَرْسَلَتْ إِلَيْهِنَّ وَأَعْتَدَتْ لَهُنَّ مُتَّكَأً)

(وَآتَتْ كُلَّ وَاحِدَةٍ مِّنْهُنَّ سِكِّينًا)

عزمت كل الستات الي اتكلموا عليها و في عز ماهما مشغولين بتقطيع تفاحة ،،

 نادت سيدنا يوسف وقالتله أدخل عليهم !

ودخل سيدنا يوسف فأول ما شافوه إندهشوا من وسامته????

 فمن غير ماياخدوا بالهم جرحوا ايديهم بالسكاكين الي ماسكينها ???? قالوا إستحالة يكون دا إنسان دا أكيد ملك مكرّم..

وَقَالَتِ اخْرُجْ عَلَيْهِنَّ ۖ فَلَمَّا رَأَيْنَهُ أَكْبَرْنَهُ وَقَطَّعْنَ أَيْدِيَهُنَّ وَقُلْنَ حَاشَ لِلَّهِ مَا هَٰذَا بَشَرًا إِنْ هَٰذَا إِلَّا مَلَكٌ كَرِيمٌ) 

زوجة العزيز حست بالإنتصار والتشّفي فيهم بعد رد فعلهم دة!!! 

 فإبتدت تتكلم من غير اي كسوف قدام ستات زيها 

و تتفاخر قدامهم إنها هي الي يوسف في بيتها و قالتلهم هو ده بقى اللى أنتوا لمتونى إنى حاولت اعمل معاه الفاحشة !!! 

صحيح إنه رفضها في المرة الأولى لكن دا مايمنعش انها هتحاول تاني وتالت .????. يا إما يوافق يا إما هتتسبب في سجنه ????

قَالَتْ فَذَٰلِكُنَّ الَّذِي لُمْتُنَّنِي فِيهِ،، وَلَقَدْ رَاوَدتُّهُ عَن نَّفْسِهِ فَاسْتَعْصَمَ،، 

وَلَئِن لَّمْ يَفْعَلْ مَا آمُرُهُ لَيُسْجَنَنَّ وَلَيَكُونًا مِّنَ الصَّاغِرِينَ

الستات دول ماوقفوش عند الانبهار والانفتان بيه وبس !!

لا دول بقوا عايزين يغووه هما كمان 

ملحوظة ؛:

العلماء وضحوا اغلب الظن ان الست دي لما يوسف جه البيت وهو لسه صغير كانت هي في العشرينات وهو حوالي 12 سنة مثلا

فلما كبر وابتدت تبان شخصيته وابتدا يكتمل جماله ووسامته بقت هي في التلاتينات وهو في العشرينات ،، فبقى هو في عز شبابه وهي في عز نضجها .. 

طبعاً الأرقام دي تقديرية،، والله أعلي وأعلم 

والجزء دة بالأخص من القصة فيه اختلافات واقاويل كتير من العلماء ،،

يعني مش كفاية ست واحدة !!! كمان بقوا ستات كتير 

ستات مين 

= الستات دول اللي ماوقفوش عند الانبهار والانفتان بسيدنا يوسف وبس !! لأ دول كمان بقوا عايزين يغووه سواء كان اغراء بالكلام او بالحركات او حتى النظرات !!

طب وسيدنا يوسف عمل أية 

=الستات دول فضلوا يهددوا سيدنا يوسف بالسجن او يأذوه لو ماسمعش كلامهم!!

سيدنا يوسف ما إغترّش بعفته وانه قدر يعصم نفسه عن المعصية كل دا ,،

 ماقالش هعرف اتحكم في نفسي !, هو كان عارف انه بشر ومفيش حد معصوم من الغلط

 فلجأ سيدنا يوسف لربنا ,

وقاله يارب السجن أحب على قلبي من اني أنفذ الي بيطلبوه !

بس انا خايف لو ما حَمتنيش منهم وبعدتهم عني أضعف قدام الاغراء المستمر دا وأعصاك 

. (قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ وَإِلاَّ تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ)

- وحاشاهُ الله أن يرى عبده يستقوى به ويطلب منه طلب بإلحاح ولا يجيبه 

فإستجاب ربنا لعبده الصادق  وحماه منهم وبعد كيدهم عنه ..

فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ ۚ إِنَّهُ هُوَ السَّمِيعُ الْعَلِيمُ) .

كبراء الطبقة الراقية -وعلى رأسهم العزيز- ماقدروش يستحملوا الفضايح الي عمالة تحصل بسبب سيدنا يوسف ,,

 فاخدوا قرار انهم لازم يبعدوه , بإنهم يسجنوه!

( ثُمَّ بَدَا لَهُم مِّن بَعْدِ مَا رَأَوُاْ الآيَاتِ لَيَسْجُنُنَّهُ حَتَّى حِينٍ) 

- وزي ما طلب سيدنا يوسف فى دعائه من ربنا أنه يتسجن ..ربنا استجاب لدعائه

ودخل سيدنا يوسف السجن ظلم من غير محاكمة , بس كان داخل ثابت راضي أقرب للفرح ،،

  لإنه خِلص من فتنة زوجة العزيز والي معاها ،,

اصل السجن كان بالنسباله مكان هادي يقدر يفكر فيه ف ربنا ويكلمه ,،،

يتأمل ويتفكّر ويدعو السجناء لدين الله بالعقل والاقناع والمنطق والاسلوب الليّن السلس

إبتدا المساجين يرتاحوله ويتوسمه فيه الخير , بقت سمعته في السجن كويسة والناس كلها بتثق فيه وبتحبه 

وفي يوم من الايام جاله اتنين مساجين ,،، حلموا بأحلام غريبة فكان هو أنسب واحد يقدروا يثقوا فيه عشان يفسرلهم الاحلام دي!

وَدَخَلَ مَعَهُ السِّجْنَ فَتَيَان

سيدنا يوسف طمنهم انه هيقدر يفسرهالهم , قالهم مافيش حاجة تشوفوها في الأحلام غير وهتلاقوني بفسرهالكم قبل ما تتحقق في الواقع..

وقالهم علي فكرة ،، دي مش شطارة مني !!

دى نعمة ربنا عليا هو اللى علمهالي .

(قَالَ لا يَأْتِيكُمَا طَعَامٌ تُرْزَقَانِهِ إِلا نَبَّأْتُكُمَا بِتَأْوِيلِهِ قَبْلَ أَنْ يَأْتِيَكُمَا ذَٰلِكُمَا مِمَّا عَلَّمَنِي رَبِّي)

وقالهم ؛:

أصل ربنا أنعم عليا بالقدرة على تفسير الرؤى , كنعمة من ضمن نعم كتير ليا ولأبويا وأجدادي

و كرم من ربنا علينا عشان عبدناه بإخلاص ..

سيدنا يوسف حب يدعوهم إلى ربنا بطريقة غير مباشرة لما لقاهم أعجبوا بإحسانه،،

 ۚ إِنِّي تَرَكْتُ مِلَّةَ قَوْمٍ لَّا يُؤْمِنُونَ بِاللَّهِ وَهُم بِالْآخِرَةِ هُمْ كَافِرُونَ ¤

امال اتبع مين !!؟

عرفهم أنه مش بس هو لوحده!!

لأ ده هو وأبو يعقوب وجدو إسحاق وجده الأكبر إبراهيم كلهم أتبعوا طريق الهداية والتوحيد والعبادة لله الواحد القهار وده برده من فضل ربنا عليهم أنه نور بصيرتهم فيستحق أن هما يشكروا 

 .

 وَاتَّبَعْتُ مِلَّةَ آبَائِي إِبْرَاهِيمَ وَإِسْحَاقَ وَيَعْقُوبَ ۚ مَا كَانَ لَنَا أَن نُّشْرِكَ بِاللَّهِ مِن شَيْءٍ ۚ ذَٰلِكَ مِن فَضْلِ اللَّهِ عَلَيْنَا وَعَلَى النَّاسِ وَلَٰكِنَّ أَكْثَرَ النَّاسِ لَا يَشْكُرُونَ ) 

- وبدأ يدعوهم لدين ربنا بشكل مباشر بعد ماعرفهم المزايا اللى ربنا أنعمُه بيها

 لأنه وحد الله فأنتوا تقدروا تبقوا من المحسنين بردوا

 (يَا صَاحِبَيِ السِّجْنِ أَأَرْبَابٌ مُّتَفَرِّقُونَ خَيْرٌ أَمِ اللَّهُ الْوَاحِدُ الْقَهَّارُ)

 فقالهم؛؛

 طب أنتوا بتعبدوا أرباب كتير متعددة وأنا بعبد إله واحد !

لما أحتاجتوا تفسروا أحلامكم أربابكوا الكتير دى ليه مساعدتكوش!!

 وجيتوا للى بيعبد رب واحد

 فأنتوا تقدروا تكونوا من المحسنين بس لو أتبعتونى وأمنتوا بالله .

وبعدين انتوا بتعبدوا حاجات مسمينها انتوا وأبائكم ملهاش أي أصل !!

(مَا تَعْبُدُونَ مِن دُونِهِ إِلَّا أَسْمَاءً سَمَّيْتُمُوهَا أَنتُمْ وَآبَاؤُكُم مَّا أَنزَلَ اللَّهُ بِهَا مِن سُلْطَانٍ)

وقالهم ان مفيش حد يستحق تعبدوه غير ربنا ،، وهو دة الدين الصح ،، لو مشيتوا عليه ربنا هينجيكم دنيا وآخره 

- (إِنِ الْحُكْمُ إِلَّا لِلَّهِ ۚ أَمَرَ أَلَّا تَعْبُدُوا إِلَّا إِيَّاهُ ۚ ذَٰلِكَ الدِّينُ الْقَيِّمُ وَلَٰكِنَّ أَكْثَرَ النَّاسِ لَا يَعْلَمُونَ) 

وبعد ما خلص كلام معاهم بدأ يفسرلهم أحلامهم !!

قالهم :

 بإن واحد منهم هيتصلب ويموت والتاني هيعيش ويطلع براءة!!

بس ماحبش يحدد مين الي هيموت ومين الي هيعيش رأفةً بيهم يعني ..

 الاتنين دول كانوا اصلا شغالين في قصر الملك , واحد منهم طباخ والتاني مسؤول عن السقاية،، 

كانت تهمتهم انهم سمموا الملك , وكان هيتحكم في أمرهم ..

فواحد هينجو وهيسقي الملك الخمر ،، وواحد هيموت عن طريق الصلب لحد ما الطيور تاكله!

قَالَ أَحَدُهُمَا إِنِّي أَرَانِي أَعْصِرُ خَمْرًا ۖ وَقَالَ الْآخَرُ إِنِّي أَرَانِي أَحْمِلُ فَوْقَ رَأْسِي خُبْزًا تَأْكُلُ الطَّيْرُ مِنْهُ،، 

- حاولوا يغيروا كلامهم ويقولوا له لا احنا مشوفناش الرؤيا دى!!

ف رد عليهم وقالهم:

 (قُضِيَ الْأَمْرُ الَّذِي فِيهِ تَسْتَفْتِيَانِ)

 يعنى خلاص مش هينفع تغيروا كلامكم الموضوع اللى بتسألونى عليه أنتهى !

سيدنا يوسف بعد التفسير بص لواحد منهم وقاله :

 إن لما ترجع القصر الملكي ابقى جيب سيرتي للملك واحكيله عني وعن حالي وقوله إنه مسجون ظلم ،،

 جايز الملك يرأف بحاله ويتأكد من مظلوميته فيصدر امر بالعفو عنه!

لكن الراجل الي عاش ورجع القصر نسي!! ,

 إتلهى في حياة القصر ومشاغل الدنيا ونسي السجن والي فيه

ففضل سيدنا يوسف كام سنة كمان في السجن ..

(وَقَالَ لِلَّذِي ظَنَّ أَنَّهُ نَاجٍ مِّنْهُمَا اذْكُرْنِي عِندَ رَبِّكَ فَأَنسَاهُ الشَّيْطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ)

ِ ۖ 

بعد سنييييين في قصر الملك ..

كان الملك قاعد بيحكي حلم شافه وحاسس انه رؤيا وعايز الي يفسرها ،، 

الملك كان كل ماينام يحلم بأن فى سبع بقرات ضخام بياكل منهم سبع بقرات رفيعين جدا وبيشوف سنابل خضرا وجنبها سنابل ناشفة ، .

(وَقَالَ الْمَلِكُ إِنِّي أَرَى سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنبُلاَتٍ خُضْرٍ وَأُخَرَ يَابِسَاتٍ يَا أَيُّهَا الْمَلأُ أَفْتُونِي فِي رُؤْيَايَ إِن كُنتُمْ لِلرُّؤْيَا تَعْبُرُونَ

 اللي حوالين الملوك في العموم بيبقوا مجموعة متملقة , او جبانة بتخاف تعارض الملك او تقوله حاجة تدايقه فيغضب عليهم . 

قالوله الحلم ده مجموعة احلام مختلطة ببعض فملهاش تفسير محدد ..

قَالُوا أَضْغَاثُ أَحْلَامٍ ۖ وَمَا نَحْنُ بِتَأْوِيلِ الْأَحْلَامِ بِعَالِمِين

 الملك ماقتنعش و إضطر يدّور على حد من برا يكون بيفهم في تفسير الرؤى علشان دي رؤيا مهمة والظاهر انها كانت بتتكرر على الملك كتير!!

 فى الوقت ده كان واقف ساقى الخمر الذى كان مع سيدنا يوسف فى السجن وسمع كلامهم وأفتكر سيدنا يوسف

قالهم أنا أعرف واحد يقدر يفسر الحلم ده فأرسلونى له .

(وَقَالَ الَّذِي نَجَا مِنْهُمَا وَادَّكَرَ بَعْدَ أُمَّةٍ أَنَا أُنَبِّئُكُم بِتَأْوِيلِهِ فَأَرْسِلُونِ)  

 إفتكر الحلم بتاعه وان يوسف فسّرهوله صح , وإفتكر كل الصفات الحلوة والحسنة الي كانت في يوسف وانه محل ثقة , فقال للملك مفيش حد هيفسرهولك غير يوسف

فالملك بعت السجين ده لسيدنا يوسف في السجن , حكاله الحلم وطلب تفسيره ..

(يُوسُفُ أَيُّهَا الصِّدِّيقُ أَفْتِنَا فِي سَبْعِ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعِ سُنبُلَاتٍ خُضْرٍ وَأُخَرَ يَابِسَاتٍ لَّعَلِّي أَرْجِعُ إِلَى النَّاسِ لَعَلَّهُمْ يَعْلَمُونَ)

سيدنا يوسف ما ساومش التفسير بالخروج .. ماقالهمش مش هفسرلكم غير لو خرجتوني , ولا فكّر بإن هما دول الحُكام الظالمين الي كانوا سبب في سجنه طول السنين دي!!

بالعكس بادر فوراً بإنقاذهم وفسّرهولهم , قالهم المعنى , و ما إكتفاش بالتفسير دا كمان قدّم حلول..

قالهم مصر هيجي عليها 7 سنين هيبقى فيهم المحاصيل كتير والخير وفير , لكن إوعوا تسرفوا , عشان بعدهم هيجي 7 سنين صعبين يقلّ فيهم الخير وتنعدم فيهم المحاصيل !!

الحل إنكم في الـ7 سنين الأولانيين تاكلوا على قدكم من غير اسراف , وتسيبوا الي ما استعملتهوش من المحصول زي ماهو في السنابل بتاعته علشان لو قشرتوه هيبوظ او هياكله السوس!

كده انتهت رؤيا الملك , بس ما انتهاش تفسير يوسف , زاد على الرؤيا الي شافها الملك حاجة كمان هو ماشافهاش , بشّره انه هيجي عليه سنة فيها خير كتيييييير تكتر فيه الزرع والميّة , تكبر فيه المحاصيل 

 (قَالَ تَزْرَعُونَ سَبْعَ سِنِينَ دَأَبًا فَمَا حَصَدتُّمْ فَذَرُوهُ فِي سُنبُلِهِ إِلَّا قَلِيلًا مِّمَّا تَأْكُلُون ،، (ثُمَّ يَأْتِي مِن بَعْدِ ذَٰلِكَ سَبْعٌ شِدَادٌ يَأْكُلْنَ مَا قَدَّمْتُمْ لَهُنَّ إِلَّا قَلِيلًا مِّمَّا تُحْصِنُونَ)،، 

ثُمَّ يَأْتِي مِن بَعْدِ ذَٰلِكَ عَامٌ فِيهِ يُغَاثُ النَّاسُ وَفِيهِ يَعْصِرُونَ

- بسرعة رجع الخادم إلى ملكه وقاله اللى سيدنا يوسف قالوا له .

إندهش الملك أوي ! 

إيه المسجون دا ! 

بيفسّر ويتوقع الي هيحصل ويوجههم للعلاج كمان من غير حتى ما يطلب أجر او مكافئة او على الاقل إخراجه من السجن!

 فالملك أمر بإنهم يجيبوا يوسف ،،

وَقَالَ الْمَلِكُ ائْتُونِي بِهِ)

راحوا رُسل الملك ليوسف في السجن عشان يجيبوه ,

بس سيدنا يوسف رفض !!

, قالهم مش هطلع من هنا غير لما برائتي تظهر , ساعتها بس هطلع وانا رافع راسي ,!

 ارجعوا للملك واسألوه إيه حكاية الستات الي جرحوا ايديهم بسببي , خلّوه يحقق من جديد في الموضوع , ولما يعرف اني بريئ هطلع .. 

(فَلَمَّا جَاءَهُ الرَّسُولُ قَالَ ارْجِعْ إِلَىٰ رَبِّكَ فَاسْأَلْهُ مَا بَالُ النِّسْوَةِ اللَّاتِي قَطَّعْنَ أَيْدِيَهُنَّ ۚ إِنَّ رَبِّي بِكَيْدِهِنَّ عَلِيمٌ )

رجعوا الرُسل للملك وقالوله الي حصل ,

الملك بعت يجيب نساء الطبقة الراقية عشان يسألهم عن القصة من جديد !

 حب يعرف ايه التفاصيل قبل ما يدّي حكم في الموضوع ,،

 قالوله حاشا لله ماشوفناش منه اي حاجة وحشة ,

    قُلْنَ حَاشَ لِلّهِ مَا عَلِمْنَا عَلَيْهِ مِن سُوءٍ).

  زوجة العزيز قالت بعد كل المحاولات اليائسة الي حاولتها وفقدت الامل منه لكنها لسه متعلقة بيه 

, فربنا أظهر الحق بإعترافها هي على نفسها , قالت يوسف كان صادق انا الي حاولت اغويه

 (أَنَاْ رَاوَدتُّهُ عَن نَّفْسِهِ وَإِنَّهُ لَمِنَ الصَّادِقِينَ)

ولية اعترفت ؟؟

 لانها حبت تحسّن صورتها في عين الراجل الي أهان كبريائها ورفضها مرات كتير , كانت بتحاول تقوله انا مش وحشة للدرجادي , بتحاول تخليه يحترمها ويصحح فكرته عنها .. وعشان يعرف أنه لما طلب منها الشهادة مكانتها وأنها نويت التوبة وأن الله لا يهدى كيد الخائنين

(ذَلِكَ لِيَعْلَمَ أَنِّي لَمْ أَخُنْهُ بِالْغَيْبِ وَأَنَّ اللَّهَ لَا يَهْدِي كَيْدَ الْخَائِنِينَ 

تبتدي تأكد كل الي حصل فعلا والي كان بيقوله يوسف وهي اتأكدت منه بعد كل الي جرى (وَأَنَّ اللّهَ لاَ يَهْدِي كَيْدَ الْخَائِنِينَ ،، وَمَا أُبَرِّىءُ نَفْسِي إِنَّ النَّفْسَ لأَمَّارَةٌ بِالسُّوءِ إِلاَّ مَا رَحِمَ رَبِّيَ إِنَّ رَبِّي غَفُورٌ رَّحِيمٌ). .

 سجن يوسف كان نقلة كبيرة في حياته زوجة العزيز ..

ودة علمها درس كبير وخلاها تؤمن بربه الي مخلّيه صابر ومطمّن وهادي رغم مروره بكل الابتلاءات دي

فكان سجن سيدنا يوسف هو خير ليه وليها , وطريق وصلّه للمُلك 

وهيخرج من السجن !؟

هيصدر الأمر الملكي بالعفو عن سيدنا يوسف ،، لكن هتحصل حاجة جديدة !!

.......... يتبع ان شاء الله 

#هبةُ_الله